«

»

এই লেখাটি 100 বার পড়া হয়েছে

Print this প্রকাশনা

“ভালেদ আর বজং”

লেখকঃ জুম্মো এডিসন

সুগুরিগুলো বাব আদাম নাঙে জুমবলাগুনোর এজ্ঞান আদাম এল । এগদিন সে আদামত হোয়েজ্ঞো বিদেশী বিশেষজ্ঞ বেরা এলাক । সিউনোর হাম অলদে ভালেদ নিনেই হাম গরানা । সে আদামর জুমবলাগুনে, জুমত আদা, ওলোদ, গুচ্ছে, হলা, ধান ইয়ানি লাগেদাক । সে আদামর গাবুজ্জে-বুড়ো, গাবুজ্জে মিলে-বুড়ো মিলে, পরবাপ্পে-গাবুজ্জে বেক্কুনোর থাআজে গুরি হাম গরা পত্ত । বেরা ইসসে সে বিশেষজ্ঞউনে তারারে বোজেলাক্কে, তোমা চাজ গুরিবার ধাজচ্ছানি আর আত্তেরয়ানি পুরোন । আমি তোমারে চাজ গুরিবার হিজু আত্তের দি জের আর নুও এজ্ঞান ধাজ শিগেই দি জের । তুমি এ ধাজে চাজ গল্লে, ইক্কু যিদুক্কুন ধান প, তাত্তুন ডবল ধান পেবা । সে বিশেষজ্ঞউনে “হাইব্রীড” ধান নাঙে ইজ্ঞো নুও জাদর ধানও পেলেই দি গেলাক । সে হাইব্রীড জাদর ধান্নো চাজ গল্লে বেজ বেজ ধান পায়, হালিক বীজ ধান রাগেই নপারে । আদাম্মেউনে পোল্ল্যে পোল্ল্যে তারা হোদাগানি বিশ্চেজ ন’গল্লাক । চাজ গরানার পরে জেক্কে বেজ বেজ গুরি ধান পেলাক, সেক্কে তে বিশ্চেজ গল্লাক্কে । আর হি আমক অবার হদা ! পোল্ল্যে যে জাগাদ দি-আড়ি ধান হুজিলে চুল্লিজ আড়ি ধান পেদাক, সে জাগাত ইক্কু এগ-আড়ি ধান হুজিলে চুল্লিজ আড়ি ধান পা যায় । আর যে আত্তেরআনি দি যিয়োন, সিয়ানিলোই হাম গল্লে এক দিবোরো হাম, আধা দিবোরে শেজ গুরি পারে । ধান বেজ পেনেই আদাম্মেউনে হুজিয়ে গেংহুলি, উবোগীত শুনিলাক । সে আদাম্মেউন ইক্কু তিন দিন হাম গরন আর চেদ্দিন গান শুনিনেই হাদে দোন । যে গিরিত্তিবো চের-আড়ি ধান হুজিনেই বজর চুলিদো, ইক্কু সে গিরিত্তিবো হলে দি-আড়ি ধান হুজিনেই বজর চলে । যে আত্তেরানি দি যিয়োন, সিয়ানিলোই দিজন মোনজো হাম, এগজনে থুম গুরি পারে । হিত্তেই থাআজে এদক হাম গরানা ? জুমবলাউনোর হামানি দিগিনেই বিশেষজ্ঞউনোর হুত্তুরি উদিলো । আমি’দ তারার ইদিক্কেন নাজ-গান চেবাত্তেই ন’ইজি । পোল্ল্যে যে জাগাত চুল্লিজ আড়ি ধান পেদাক, সে জাগাত আজি আড়ি ধান পান পারা গুরি দিলোং । তারা আগন্দে নাজ-গান্নোই লুদুপুদু গুরি ! ইউনোরে হি গরা যায় ? ইয়ান ভাবদে ভাবদে, বিশেষজ্ঞউনে এজ্ঞান বুদ্ধি নিগিলেলাক । এ আলসি জুম্মোউন দ এদক আলসি ন এলাক । ইউনে আজলে তারা উদ্দেশ্যয়ান ঠিগ গুরি ন পারন, সিয়ান অলদে থাআজে হাম গরানা আর বেজ বেজ ধান পানা । বিশেষজ্ঞউনে এজ্ঞান হাম গল্লাক । ইজ্ঞো গাবুজ্জে পোরে এজ্ঞান মোটর সাইকেল ঘুজ দিলাক । বাঃ হি দোল জিনিজ ! ন আদিনেই, হাক্কে যিদুপায় যেই পারে । সে পোবোর দেগা-দেগি আদামর আর হোয়েজ্ঞো গাবুজ্জে পোয়ো মোটর সাইকেল হিনিলাক । বিশেষজ্ঞউনো বুদ্ধিয়ান হামত দিলো । দেগা গেলদে, যে পোবোর মোটর সাইকেল নেই, সে পোবোয়ো মোটর সাইকেল হিনিবাত্তেই তা বাম্মাইদু ধুজ ধুরি থাল্লোই । হি আর গুরিবো ? পো-ছাউনোর মাগিয়ে জিনিজসান হিনি দিবাত্তেই জেনেই, বাম্মাউনেয়ো আর বেজ বেজ গুরি হাম গরা ধল্লাক । দেগা গেলদে, সুগুরিগুলো বাব আদামর বেগ মানুজসুন আর পোল্ল্যে দুক্কেন গুরি থাআজে হাম গরানা ধল্লাক । ইক্কু থাআজেউরি হাম ন গল্লে পো-ছাউনোরে মোটর সাইকেল, মোবাইল হিনি দি নপারে, ঘরত টিভি-ফ্রিজ হিনি নপারে । আদাম্মেউনে থাআজে হাম গরা ধুরিনেই বেজ বেজ ধান, হলা, গুচ্ছে পেলাক । শহরদও বেজ বেজ গুরিনেই ধান, হলা, গুচ্ছে যানা ধল্লাক । হম টেঙালোই হলা, গুচ্ছে, চোল হিনি পাত্তন হিনিত্তেই, শহরর মানুজসুনেয়ো হুজি ওলাক । আদামর থায়ুয়ে মানুজসোয়ো হুজি অল । থায়ুয়ে মানুজসো ধান-চোল হিনিবার-বিজিবার এজ্ঞান দোগান দিলো । তা দাঙর পোবো বোজেল, ধান দুলিবার এজ্ঞান মেশিন । আদামত্তুন ধান দুলিবার ঢেঙি আরেই গেলাক । থায়ুয়ে মানুজসোর দাঙর পোবোয়ো দান দলানার দাম বারেই দিলো । থায়ুয়ে মানুজসোর চিগোন পোবো হাম গুরিবার আত্তের আর বীজ ধান বিজিবার এজ্ঞান দোগান দিলো । থায়ুয়ে মানুজসোর ভেইপুত্তো দিলো মোবাইল বিজিবার আর ছদক গুরিবার এজ্ঞান দোগান । ইক্কু বেক্কুনে থাআজে হাম গরন । থাআজে গুরি হাম গুরিনেই হামিয়ে টেঙালোই হিয়ে মোবাইল হিনোন, হিয়ে ছদক গরন, হিয়ে মোটর সাইকেল হিনোন, হিয়ে টিভি-ফ্রিজ হিনোন……………!!!

“ বুদুলিযানা, বোদোলানা মানেই ভালেদ অনা নয় ”

 

 

 

 

 

About the author

ব্লগ লেখক

Permanent link to this article: http://chtbd.org/archives/3127

মন্তব্য করুন

আপনার ই-মেইল এ্যাড্রেস প্রকাশিত হবে না। * চিহ্নিত বিষয়গুলো আবশ্যক।

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>